O‘zbekistonda huquqbuzarliklarga qarshi kurashish uchun ayerokosmik texnologiyalardan foydalaniladi

Bosh prokuratura va “O‘zbekkosmos” ekologik xavfsizlik va huquqbuzarlarga qarshi kurashish sohasida hamkorlik qilishni rejalashtirmoqda, deb xabar bermoqda Kosmik tadqiqotlar va texnologiyalar agentligi matbuot xizmati.

Ma’lumotlarga ko‘ra, tomonlar ekologiya va xavfsizlik sohalarida hamkorlik to‘g‘risida memorandum imzolagan. Xususan, mutaxassislar nazorat tadbirlari, surishtiruv va dastlabki tergov jarayonlariga ayerokosmik texnologiyalarni joriy etishni rejalashtirmoqda.

Shuningdek, Bosh prokuratura ish uchun Kosmik monitoring davlat tizimidan olinadigan shaffof va yuqori aniqlikdagi ma’lumotlardan foydalanishni rejalashtirmoqda. Tomonlar muntazam ravishda ma’lumot almashadi va bir qator yo‘nalishlarda, jumladan quyidagi sohalarda ishlaydi:

• daraxtlarning kesilishini kuzatish va yashil maydonlarni qisqartirish;
• yerlarni o‘zboshimchalik bilan egallab olish, noqonuniy qurilishlar va kon ishlari aniqlanganda;
• daryolar o‘zanlarida va qo‘riqlanadigan zonalarda qazib olishni nazorat qilish;
• o‘zanlarni tozalash va qirg‘oqlarni mustahkamlashda loyihalardan chetga chiqishlarni tekshirish;
• foydali qazilmalarni qazib olishning haqiqiy hajmini o‘lchash;
• noqonuniy chiqindixonalar va chiqindilarni saqlash zonalari kengayishini kuzatish;
• dalalarda poxol va o‘simlik qoldiqlarini yoqish holatlarini qayd etish.

“O‘zbekkosmos” global miqyosda ekologik huquqbuzarliklar va jinoyatlarning qiymati har yili taxminan 200 milliard dollarga baholanishini va ekologik bioxilma-xillikning yo‘qolishiga, odamlar salomatligiga salbiy ta’sir ko‘rsatishiga, iqtisodiy zararga va iqlim o‘zgarishining tezlashishiga olib kelishi mumkinligini ta’kidladi.

Avvalroq O‘zbekistonda kosmosdan minglab noqonuniy chiqindixonalar aniqlangani haqida xabar berilgandi. “O‘zbekkosmos” eng iflos hudud qaysi ekanini ma’lum qilgan.