O‘zbekistonda gilos mavsumi erta va yuqori narxlar bilan boshlandi
Hosil miqdori o‘tgan yillar darajasida prognoz qilinmoqda.
Toshkentdagi ulgurji bozorlarda gilosning yirik partiyalari paydo bo‘ldi, uning narxi yuqori tashqi talab fonida rekordlarni yangilaydi, deya xabar bermoqda EasyFruit mutaxassislari.
Joriy mavsumda gilosning ulgurji partiyalari so‘nggi besh yildagiga qaraganda kamida bir hafta oldin paydo bo‘ldi. Shu bilan birga, yangi gilosning o‘rtacha ulgurji narxi o‘tgan yillarning shu davriga nisbatan kamida 70 foizga yuqori.
2025-yil 23-may holatiga ko‘ra, O‘zbekistonda gilosning o‘rtacha ulgurji narxi 1 kg uchun 17 000 so‘mni tashkil etdi. 2023 va 2021-yillarda dastlabki ulgurji partiyalar faqat may oyining oxirida paydo bo‘ldi, ularning o‘rtacha narxi mos ravishda 1 kg uchun 8000 so‘m va 10 000 so‘mni tashkil etdi.
Bozor ishtirokchilarining fikriga ko‘ra, joriy mavsumda olcha hosili hajmi avvalgi bir necha yillardagi kabi darajada bo‘lishi kutilmoqda. Biroq, mamlakat ichki bozorida talab barqaror bo‘lgani holda, ushbu mahsulotning rekord darajadagi yuqori narxlari tashqi bozorlarda o‘zbek gilosiga bo‘lgan ajiotaj talab bilan bog‘liq.
Avvalroq Serbiya o‘zbek mevalarini nishonga olgani xabar qilingandi. Mamlakatda danakli mevalar hosili kamayib bormoqda.
Izohlar