O‘zbekistonda falastinlik bemorlarni moslashtirish bo‘yicha maxsus komissiya tuziladi
Shuningdek, tibbiy yordamni tashkil etish va yashash uchun sharoitlar yaratish bilan shug‘ullanadi.
O‘zbekistonda falastinlik bemorlar va ularga hamrohlik qiluvchi shaxslarning moslashuvini muvofiqlashtiruvchi Respublika komissiyasi tuzildi, deb xabar bermoqda O‘zA.
Ma’lumotlarga ko‘ra, komissiya Falastindan kelganlar va ularning hamrohlari mamlakatda qanday joylashganini tekshiradi. Shuningdek, tibbiy yordamni tashkil etish, yashash uchun sharoitlar yaratish, ijtimoiy va huquqiy qo‘llab-quvvatlash, xalqaro va gumanitar tashkilotlar bilan hamkorlik qilish bilan shug‘ullanadi.
Davlat rahbari loyiha ijrosini nazorat qilishni O‘zbekiston bosh vaziri Abdulla Aripovga yukladi, prezidentning strategik rivojlanish masalalari bo‘yicha maslahatchisi Sardor Umurzoqovni tashkilot raisi etib tayinladi. Shuningdek, davlat rahbarining farmoni bilan to‘liq tarkib tasdiqlandi.
Avvalroq O‘zbekistonga kelgan falastinliklarga pensiya berilishi xabar qilingandi. Shuningdek, mehmon oilalarning har biriga yashash joyidagi uy-joy ijarasi xarajatlari qoplanadi.
Izohlar