O‘zbekistonda dafn marosimlari hisobi raqamlashtirilmoqda
Qog‘ozda ro‘yxatdan o‘tkazish bekor qilinadi.
O‘zbekistonda dafn marosimlarini tashkil etish va hisobga olish tizimi takomillashtiriladi Hukumat qarori bilan dafn marosimlarini tashkil etish va hisobga olish tizimi takomillashtiriladi.
Ma’lumotlarga ko‘ra, dafn marosimiga ruxsat berish va uning hisobini yuritish raqamli formatga o‘tkazilishi kutilmoqda. Ushbu jarayonlarni elektron tizim orqali monitoring qilish uchun yangi elektron xizmatlar joriy etilmoqda.
2026-yil 1-iyunga qadar “FHDYning yagona elektron arxivi” axborot tizimi tarkibida “Dafn etishni hisobga olishning yagona elektron kitobi” moduli tegishli mobil ilova bilan ishlab chiqiladi.
2026-yil 1-martdan boshlab marhumning qarindoshlari o‘lim qayd etilgandan so‘ng my.gov.uz portalidagi shaxsiy kabinetiga QR-kod qo‘yilgan holda bepul taqdim etiladigan o‘lim haqidagi elektron xabarnomani oladilar. Ushbu bildirishnoma gerbli ma’lumotnomaga tenglashtiriladi. 2026-yil 1-iyuldan 31-dekabrgacha Toshkent shahrida dafn marosimlarini o‘tkazishning yangi tartibi eksperiment tariqasida joriy etiladi.
Dafn marosimiga ruxsat faqat modul yoki mobil ilova tomonidan qabriston mas’ul shaxsi nazorati ostida beriladi. Dafn marosimlarini qog‘ozda ro‘yxatga olish bekor qilinadi.
Izohlar