O‘zbekistonda birinchi kurs talabalariga stipendiya to‘lash kechiktirildi
Oliy ta’lim vazirligi kechikishni yangi plastik kartalarni ochishdagi muammolar bilan izohladi.
Ijtimoiy tarmoqlarda bir qator oliy o‘quv yurtlari talabalarining stipendiyalari kechikayotgani haqida xabarlar tarqaldi. Oliy ta’lim, fan va innovatsiyalar vazirligi holatga izoh berdi.
Ma’lumotlarga ko‘ra, bir nechta oliy o‘quv yurtlarining birinchi kurs talabalariga to‘lovlar kechiktirilgan. Vazirlik kechikishlarni tasdiqladi va hafta oxirigacha muammo hal etilishiga va’da berdi. Qayd etilishicha, kechikishlar yangi talabalar uchun plastik kartalar ochilishi bilan bog‘liq.
Mutaxassislar hozirda barcha buyruqlar to‘liq rasmiylashtirish jarayonida ekanligini ta’kidlab, hafta oxirigacha bu masala to‘liq hal etilishiga va’da berishdi.
Avvalroq talabalar ijara pulining bir qismini onlayn tarzda qaytarib olishi mumkinligi xabar qilingandi. Xizmatni xonadan chiqmasdan rasmiylashtirish mumkin bo‘ladi.
Izohlar