O‘zbekistonda 34 darajagacha salqin bo‘lishi kutilmoqda — dam olish kunlari uchun prognoz
O‘zbekistonliklar jazirama issiqdan qisqa muddatga dam olishadi, biroq yog‘ingarchilik kutilmaydi.
Dam olish kunlari O‘zbekistonda havo salqinlashadi, yog‘ingarchilik kutilmaydi, deya xabar bermoqda O‘zgidromet.
Issiqlik biroz pasaygan bo‘lsa-da, 25 va 26-iyul kunlari O‘zbekiston hududida havo harorati ancha yuqori darajada saqlanib qoladi — kunduzi 38-40o atrofida, respublikaning janubiy qismida esa 41-43o gacha ko‘tarilishi mumkin. Yakshanba kuni esa sezilarli darajada salqinroq bo‘ladi, havo harorati 34-37o gacha, janubda 38-39o gacha pasayadi.
O‘zbekistonning barcha hududlari bo‘yicha yog‘ingarchilik kutilmaydi. Respublika bo‘yicha ba’zi joylarda shamol chang-to‘zonlar bilan 13-18 m/s gacha kuchayishi mumkin.
Toshkent shahrida havo biroz bulutli bo‘ladi, ayrim joylarda o‘zgarib turadi, yog‘ingarchilik bo‘lmaydi. Shamol sharqdan kuchsizdan o‘rtachagacha esadi. Harorat kunduzi 25-26-iyulda 38-40o, 27 iyulda 35-37o bo‘ladi. Harorat kechasi 22-25o bo‘ladi.
Izohlar