O‘zbekistonda 2026-yilda lyuks poyezdlar qatnovi yo‘lga qo‘yiladi
U qulaylik va atmosferaviy sayohatlarni afzal ko‘radigan xorijiy sayyohlar uchun mo‘ljallangan bo‘ladi.
2026-yilda O‘zbekistonda hashamatli poyezdlar qatnovi yo‘lga qo‘yiladi, deb xabar bermoqda Bojxona qo‘mitasi Toshkent boshqarmasi matbuot xizmati.
Ma’lumotlarga ko‘ra, “Samarqand ekspressi” qulaylik, shinamlik va atmosferali sayohatni afzal ko‘radigan xorijlik sayyohlar uchun mo‘ljallangan bo‘ladi. Loyiha 25 million dollarga tushadi, uning dastlabki 10 tasini 2025-yilda jalb qilish rejalashtirilgan.
2024–2026-yillarga mo‘ljallangan keng ko‘lamli investitsiyaviy turizm loyihasi “O‘zbekiston temir yo‘llari” kompaniyasi tashabbusi bilan amalga oshirilmoqda. Shu bilan birga, xorijiy investorlardan tashqari, poytaxt bojxonachilari ham yangi poyezdni qo‘llab-quvvatlashni rejalashtirmoqda.
Qayd etilishicha, birinchi lyuks vagonning tashqi pardozlash ishlari allaqachon yakunlangan bo‘lib, tez orada uskunalarni o‘rnatish va interyerni jihozlash uchun Italiyaga yuboriladi. Bundan tashqari, Toshkent shahar bojxona boshqarmasi yetkazib berishning tezlashtirilgan logistikasi va rasmiylashtiruvini ta’minlaydi, shuningdek, byurokratik xarajatlarni maksimal darajada kamaytiradi.
Avvalroq O‘zbekistonda aerotaksi va VIP-taksilar ish boshlashi haqida xabar berilgandi. Loyihani amalga oshirishda BAA kompaniyasi yordam beradi.
Izohlar