O‘zbekistonda 2025/2026-o‘quv yilida davlat oliy ta’lim muassasalariga o‘tish uchun o‘tish ballari tasdiqlandi

O‘zbekistonda 2025/2026 o‘quv yilida xorijiy va nodavlat OTM talabalarini davlat OTMga o‘tkazish uchun o‘tish ballari tasdiqlandi, deb xabar bermoqda Oliy ta’lim vazirligi matbuot xizmati.

Ma’lumotlarga ko‘ra, 2025/2026 o‘quv yilida o‘qishni ko‘chirish uchun eng yuqori o‘tish ballari “Huquq” ta’lim yo‘nalishiga 165 ball, shuningdek, “Sog‘liqni saqlash” ta’lim yo‘nalishiga 129 ball belgilangan. Veterinariya bo‘yicha o‘tish ballari eng past bo‘lib, 60 ballga yetdi, qishloq, o‘rmon va baliqchilik xo‘jaligi bo‘yicha esa 70 ballni tashkil etdi.

2025/2026 o‘quv yili uchun xorijiy va nodavlat oliy ta’lim muassasalaridan talabalar o‘qishini ko‘chirish bo‘yicha maxsus imtihonlarning o‘tish ballari quyidagicha bo‘ldi:

• Ta’lim – 94;
• San’at – 93;
• Gumanitar fanlar (tillardan tashqari) – 94;
• Tillar – 94;
• Ijtimoiy fanlar – 105;
• Jurnalistika va axborot – 105;
• Biznes va boshqaruv – 105 ta;
• Huquq – 165;
• Biologiya va turdosh fanlar – 80;
• Atrof-muhit – 94;
• Fizika va tabiiy fanlar – 75;
• Matematika va statistika – 94;
• Axborot-kommunikatsiya texnologiyalari – 94;
• Muhandislik ishi – 75;
• Ishlab chiqarish va ishlov berish – 75;
• Arxitektura va qurilish – 75;
• Qishloq xo‘jaligi – 70;
• O‘rmon xo‘jaligi – 70;
• Baliqchilik xo‘jaligi – 70;
• Veterinariya – 60;
• Sog‘liqni saqlash – 129;
• Ijtimoiy ta’minot – 94;
• Xizmat ko‘rsatish sohasi – 80;
• Mehnat gigiyenasi va muhofazasi – 70;
• Transport xizmatlari – 104.

Avvalroq oliy ta’lim vaziri talabalarni pora evaziga o‘qishga qabul qilmaslikni so‘ragani xabar qilingandi. Qo‘ng‘irotboy Sharipov Oliy ta’lim vazirligi korrupsiyaga qarshi murosasiz kurashish tarafdori ekanini ta’kidladi.