O‘zbekiston va Tojikiston o‘rtasida Ittifoqchilik munosabatlari to‘g‘risidagi shartnomaning kuchga kirdi

Xo‘jandda ikki davlat tashqi siyosat idoralari rahbarlari tomonidan O‘zbekiston bilan Tojikiston o‘rtasida Ittifoqchilik munosabatlari to‘g‘risidagi shartnomaning kuchga kirishi haqidagi bayonnoma imzolandi.

O‘zbekiston va Tojikiston o‘rtasida Ittifoqchilik munosabatlari to‘g‘risidagi shartnomaning kuchga kirdi. Bu hujjat Shavkat Mirziyoyev Xo‘jand shahriga kelgach, Tojikiston prezidenti Emomali Rahmon bilan uchrashuvda imzodandi, deya xabar qildi O‘zbekiston prezidenti matbuot xizmati.

Uchrashuvda Oliy darajadagi kelishuvlarni amalga oshirish doirasida ikki tomonlama do‘stlik, strategik sheriklik va ittifoqchilik munosabatlarini yanada rivojlantirishning dolzarb masalalari muhokama qilindi. Suhbat avvalida davlat rahbarlari muborak Ramazon hayiti bilan bir-birlarini va birodar xalqlarni samimiy tabrikladi.

Hukumatlararo komissiyaning bo‘lajak yig‘ilishida amaliy hamkorlik bo‘yicha qo‘shma loyihalarni tezlashtirish choralari ishlab chiqilishi muhim ekani ta’kidlandi. Yetakchilar mintaqaviy kun tartibi, shu jumladan mamlakatda o‘tkaziladigan ko‘p tomonlama sammitlar yuzasidan ham fikr almashdi.

Muzokaralar yakunida O‘zbekiston prezidenti Shavkat Mirziyoyev va Tojikiston prezidenti Emomali Rahmon huzurida tashqi siyosat idoralari rahbarlari O‘zbekiston bilan Tojikiston o‘rtasida Ittifoqchilik munosabatlari to‘g‘risidagi shartnomaning kuchga kirishi haqidagi bayonnomani imzoladilar va ratifikatsiya yorliqlarini almashdilar.

Shartnoma 2024-yili 18-aprel kuni Dushanbe shahrida bo‘lib o‘tgan oliy darajadagi ikki tomonlama sammitda imzolangandi. Hujjat ratifikatsiya yorliqlari almashilgan kundan e’tiboran kuchga kiradi.

NOVA24 Telegramʼda. Obuna boʻling
Tezkor xabarlar va asosiy voqealar