O‘zbekiston va Rossiya o‘rtasida katta quvvatli AES qurish shartlari to‘g‘risida bitim imzolandi
Tomonlar muhandislik maslahati, loyihalarni mahalliy sharoitlarga moslashtirish va xavfsizlik va ishga tushirish sohasida qo‘llab-quvvatlashni ta’minlaydi.
20-iyun kuni Sankt-Peterburg xalqaro iqtisodiy forumi doirasida “O‘zatom” va “Rosatom” o‘rtasida katta quvvatli atom elektr stansiyasini qurish loyihasini amalga oshirish imkoniyatlarini o‘rganish bo‘yicha kelishuv imzolandi, deb xabar bermoqda “O‘zatom” axborot xizmati.
Imzolash marosimida “Rosatom” davlat korporatsiyasi bosh direktori Aleksey Lixachyov va “O‘zatom” agentligi direktori Azim Axmedxadjayev ishtirok etdi.
Kelishuv Vladimir Putinning 2024-yil 27-may kuni O‘zbekistonga davlat tashrifi chog‘ida erishilgan kelishuvlarning davomi bo‘ldi. Aleksey Lixachyov va Shavkat Mirziyoyevning 2025-yil 28-aprel kuni “INNOPROM. Markaziy Osiyo”, O‘zbekiston tomoni katta quvvatli atom elektr stansiyasini qurish imkoniyatini o‘rganish to‘g‘risida qaror qabul qilganini ma’lum qildi.
Hujjat ikkita VVER-1000 energobloklari qurilishini istiqbolda to‘rttagacha kengaytirish bilan amalga oshirish mumkin bo‘lgan asosiy shartlarni nazarda tutadi.
“Biz katta quvvatli AES qurilishiga mamlakatning elektr energiyasiga – ekologik toza energiyaga bo‘lgan ham joriy, ham istiqboldagi ehtiyojlarini qoplashga qodir bo‘lgan ishonchli va muvozanatli energiya tizimini yaratish manbai sifatida qaraymiz. Bitimning imzolanishi katta quvvatli AES qurilishi loyihasini amalga oshirish imkoniyatining asosiy shartlarini faol ishlab chiqishni boshlash imkonini beradi. Loyihaning asosiy jihatlarini o‘rganish, qurilish qiymatini baholash bilan shug‘ullanadigan qo‘shma ishchi guruh tuzildi”, — dedi “O‘zatom” agentligi direktori Azim Axmedxadjayev.
Ishchi guruhning o‘rganish natijalariga ko‘ra, katta quvvatli AES qurilishini amalga oshirish bo‘yicha qaror qabul qilinadi, bu ASMM qurilishining mantiqiy davomi bo‘ladi.
Eslatib o‘tamiz, Fransiya kompaniyasi O‘zbekistonning AES qurilishi bo‘yicha loyihalariga hamrohlik qiladi. Tomonlar muhandislik maslahati, loyihalarni mahalliy sharoitlarga moslashtirish va xavfsizlik va ishga tushirish sohasida qo‘llab-quvvatlashni ta’minlaydi.
Mavzuga doir:
Izohlar