O‘zbekiston va Rossiya AES loyihasini yangilashga kelishib oldi
Tomonlar, shuningdek, yoqilg‘i yetkazib berish shartnomasining asosiy shartlari to‘g‘risidagi bitimni imzoladi.
26-sentyabr kuni Moskvada bo‘lib o‘tgan “Jahon atom haftaligi” xalqaro forumi doirasida “O‘zatom” va “Rosatom” hamkorlikni kengaytirish to‘g‘risidagi hujjatlarni imzoladi. Bu haqda NOVA24 muxbiri xabar bermoqda.
Imzolash marosimida “Rosatom Energetika loyihalari” bosh direktori Andrey Rojdestvin va “Atom elektr stansiyasini qurish direksiyasi” rahbari Abdujamil Kalmuratov ishtirok etdi.
O‘zbekistonda integratsiyalashgan atom elektr stansiyasini qurish loyihasini amalga oshirishning asosiy shartlari to‘g‘risidagi qo‘shimcha bitimda AESning yangi konfiguratsiyasi bo‘yicha shartnoma tuzish ko‘zda tutilgan.
Tomonlar loyiha tarkibiga 3+ avlod SSER-1000 negizida ikkita katta quvvatli energoblok va har birining quvvati 55 MVt bo‘lgan RITM-200N reaktorli ikkita energoblok kirishiga kelishib oldilar. “O‘zatom” rahbari Azim Ahmedxo‘jayevning aniqlik kiritishicha, agentlik va “Rosatom” yil oxirigacha Jizzax viloyatida ikkita yirik va ikkita kichik blokli atom elektr stansiyasini qurish bo‘yicha dastlabki shartnomani imzolaydi.
Hujjatlarda 20-iyun kuni Sankt-Peterburg xalqaro iqtisodiy forumi doirasida erishilgan kelishuvga aniqlik kiritildi.
Tomonlar kichik va katta quvvatli AESlar uchun yoqilg‘i yetkazib berish bo‘yicha shartnomalarning asosiy shartlarini imzoladi. Qarorlar bitta maydonchada integratsiyalashgan atom elektr stansiyasi loyihasini kompleks amalga oshirish uchun asos bo‘ladi.
Shu bilan birga, birinchi o‘zbek atom elektr stansiyasining narxi maxfiyligicha qolmoqda, xarajatlar maksimal darajada optimallashtiriladi, rossiyalik hamkorlar loyihaga qiziqish bildirmoqda, shuningdek, o‘zbek kompaniyalarini jalb qilgan holda qurilish keng mahalliylashtiriladi.
Natijada biz loyiha qiymati bilan maqtana olamiz, — deya xulosa qildi “O‘zatom” rahbari Azim Ahmadxo‘jayev.
Mavzuga doir: O‘zbekistonda to‘rtta SSER-1000 blokli AES qanday ishlashi mumkin? NOVA24.uz muxbiri shunga o‘xshash stansiya atrofidagi ekologik vaziyat qanday ekanini bilib oldi.
Izohlar