O‘zbekiston sunʼiy intellektga tayyorgarlik indeksida 17 pog‘ona ko‘tarildi

Mamlakat Markaziy Osiyo davlatlari orasida 1-o‘rinni egallab turibdi.

Oxford Insights tashkiloti tomonidan “Hukumatning sunʼiy intellektga tayyorlik indeksi” reytingi eʼlon qilindi.

Ushbu reytingda O‘zbekiston 53,45 ball bilan 70-o‘rinni egallab, 17 pog‘onaga ko‘tarildi. Mamlakat Markaziy Osiyo davlatlari orasida 1-o‘rinni egallab turibdi.

Mazkur reyting hukumatning sunʼiy intellekt texnologiyalarini joriy qilishga tayyorligini baholaydi va 40 ta indikator asosida tuziladi.

Mamlakatning ushbu yutuqlari hukumat tomonidan tasdiqlangan “Sunʼiy intellekt texnologiyalarini 2030-yilgacha rivojlantirish strategiyasi” hamda bu sohadagi izchil islohotlar natijasi ekanligi taʼkidlandi.

Reytingda O‘zbekiston Janubiy va Markaziy Osiyo mintaqasida Hindiston va Turkiyadan keyin 3-o‘rinni egallagan.

NOVA24 YouTubeʼda. Obuna boʻling
Asosiy yangiliklar va qiziqarli videolar