O‘zbekiston maktab o‘quvchilariga sun’iy intellekt darslari o‘tiladi
Yangi fan yuqori sinflar uchun joriy etiladi.
Kelgusi o‘quv yilidan yuqori sinflar uchun sun’iy intellekt darslari joriy etiladi, deb xabar bermoqda prezident matbuot xizmati.
Yangi fan uchun 2 mingta kompyuter sinfi va 6,3 mingta interaktiv doska kerak. Buning uchun 2026-yilda davlat byudjetidan mablag‘ ajratiladi. Iqtidorli o‘quvchilar uchun hududlarda Al-Xorazmiy IT, Mirzo Ulug‘bek muhandislik yo‘nalishi va Ibn Sino tabiiy fanlar bo‘yicha maxsus maktablarning filiallari ochiladi.
Endi ularning barchasi hududlardagi texnik oliygohlar bilan bevosita bog‘lanadi. Yaxshi natijalarga erishgan bitiruvchilar ushbu oliygohlarning 2-bosqichiga qabul qilinadi, — deyiladi xabarda.
2026-yilda maktab o‘quvchilari o‘rtasida kimyo va informatika fanlari bo‘yicha ikkita eng nufuzli xalqaro olimpiada o‘tkaziladi. Olimpiada O‘zbekistonda ilk bor o‘tkaziladi. Bosh vazirga ushbu olimpiadalarni Toshkentda o‘tkazish bo‘yicha barcha tashkiliy masalalarni nazoratga olish topshirildi.
Avvalroq O‘zbekistonda YDI paydo bo‘lishi haqida xabar berilgandi. Yangi turdagi test o‘quvchilarning vaqtini tejaydi va ota-onalarning moliyaviy yukini kamaytiradi.
Izohlar