O‘zbekiston dunyoning eng kuchli pasportlari reytingida yuqoriladi

O‘zbekiston Passport Index reytingida 95 ta o‘rindan 68-o‘rinni egalladi. Reytingda bitta o‘ringa bir necha davlatlar to‘g‘ri kelgan.

O‘zbekiston dunyoning eng kuchli pasportlari reytingida 68-o‘rinni egalladi. Bu haqda Passport Index saytida e’lon qilingan ma’lumotlarda keltirilgan.

O‘zbekiston Kanadaning Arton Capital konsalting firmasi tomonidan tuzilgan Passport Index reytingida 95 ta o‘rindan 68-o‘rinni egalladi. 2024-yilda ushbu reytingda 70-o‘rinni egallagandi. Indeksni tuzishda kompaniya pasport egalari qancha davlatga vizasiz bora olishi yoki xorijiy davlatga borganidan keyin viza olishi mumkinligi baholangan. Reytingda bitta o‘ringa bir necha davlatlar to‘g‘ri kelgan.

O‘zbekiston fuqarolari 32 davlatga vizasiz tashrif buyurishi mumkin, 46 davlatga vizani yetib borgandan keyin olishi mumkin, 120 ta davlatga tashrif buyurish uchun esa belgilangan tartibda viza olish kerak bo‘ladi.

NOVA24 Telegramʼda. Obuna boʻling
Tezkor xabarlar va asosiy voqealar