Navro‘z munosabati bilan o‘zbekistonliklar necha kun dam oladi?

Kambag‘allikni qisqartirish va bandlik vazirligi tomonidan tasdiqlangan 2025-yilgi ish vaqti taqvimini e’lon qildi.

Haftasiga 5 kun ishlovchi o‘zbekistonliklar Navro‘z bayrami munosabati bilan ketma-ket 3 kun dam oladi. Bu Kambag‘allikni qisqartirish va bandlik vazirligi tomonidan tasdiqlangan 2025-yilgi ish vaqti taqvimida nazarda tutilgan.

Mehnat kodeksining 208-moddasiga asosan dam olish kuni ishlanmaydigan bayram kuniga to‘g‘ri kelgan taqdirda, dam olish kuni bayramdan keyingi ish kuniga ko‘chiriladi.

Demak, haftasiga 5 kun ishlaydiganlar 3 kun dam oladi:

• 21-mart, juma — Navro‘z bayrami;
• 22-mart, shanba — 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;
• 23-mart, yakshanba — dam olish kuni.

Haftasiga 6 kun ishlaydiganlar uchun faqat juma va yakshanba dam olish kuni bo‘ladi, 22-mart, shanba ish kuni hisoblanadi.

NOVA24 Telegramʼda. Obuna boʻling
Tezkor xabarlar va asosiy voqealar