Navoiyda hokim yordamchisi 200 mln so‘m imtiyozli kredit pulini o‘zlashtirgani aytilmoqda

Xatirchi tumanida 200 mln so‘m imtiyozli kredit pulini talon-toroj qilgan hokim yordamchisiga nisbatan jinoyat ishi ochildi.

Navoiy viloyatining Xatirchi tumanida 200 mln so‘m imtiyozli kreditni talon-toroj qilgan hokim yordamchisi aniqlandi, deya xabar bermoqda O‘zA.

Ma’lum bo‘lishicha, tumandagi mahalla fuqarolar yig‘inlaridan birining muqaddam sudlangan hokim yordamchisi sovun mahsuloti ishlab chiqarish bilan shug‘ullanuvchi MChJ rahbari bilan kelishib, mazkur korxona va tumandagi xususiy o‘quv markazi nomiga 200 mln so‘m imtiyozli kredit ajratilishiga erishgan.

Lekin ular pul mablag‘larini o‘ziga tegishli xususiy korxona hisob raqamiga o‘tkazish orqali talon-toroj qilishgan. Hozirda hokim yordamchisiga nisbatan jinoyat ishi qo‘zg‘atilgan.

NOVA24 Telegramʼda. Obuna boʻling
Tezkor xabarlar va asosiy voqealar