Namangandagi 10 ta tuman hokimlari raqobatga zid qarorlar imzolagani aniqlandi
Raqobat qo‘mitasi ushbu qarorlar qonun talablariga muvofiqlashtirilganini hamda tuman hokimliklari ogohlantirilganini ma’lum qildi.
Namangan viloyatidagi 10 ta tuman hokimliklari qabul qilgan normativ-huquqiy hujjatlarda qonun talablariga zid holatlar aniqlandi, deb xabar bermoqda Raqobat qo‘mitasi.
Qo‘mitaning Namangan viloyati hududiy boshqarmasi tomonidan 2024-yilning birinchi yarmi mobaynida 10 ta tuman hokimliklarida “Raqobat to‘g‘risida»gi qonun talablari ijrosi yuzasidan jami 4214 ta normativ-huquqiy va boshqa turdagi hujjatlar yuzasidan o‘rganishlar olib borilgan.
Mazkur o‘rganishlar jarayonida Mingbuloq, Kosonsoy, Pop, Norin, Namangan, To‘raqo‘rg‘on, Uychi, Chust, Chortoq va Yangiqo‘rg‘on tumani hokimliklarida tovar yoki moliya bozorida raqobatni cheklashga hamda iste’molchilarning huquqlari va qonuniy manfaatlarini kamsitishga olib keluvchi jami 12 ta qaror qabul qilingani ma’lum bo‘lgan.
Buning oqibatida “Raqobat to‘g‘risida»gi qonunning 22-moddasi (Respublika ijro etuvchi hokimiyat organlari va boshqa tashkilotlar, yuridik shaxslarning birlashmalari tomonidan raqobatni cheklaydigan hujjatlar qabul qilinishini hamda harakatlar amalga oshirilishini (harakatsizlikni) taqiqlash) talablari buzilgan.
Ushbu qarorlar qonun talablariga muvofiqlashtirildi hamda tuman hokimliklariga qonun buzilishi holatlarini bartaraf etish va kelgusida bunday holatga yo‘l qo‘ymaslik yuzasidan taqdimnomalar kiritildi, deyiladi qo‘mita xabarida.
Мавзуга оид хабарлар:
Surxondaryoda “Toza hudud” xizmati aholidan ortiqcha to‘lov olgani aniqlandi Namangandagi omborxonadan 800 mln so‘mlik noqonuniy dorilar topildi Urganch davlat universiteti o‘tkazgan tenderda qonun buzilishi aniqlandi Raqobat qo‘mitasi: 6 turdagi muzqaymoqda ortiqcha shakar va bakteriyalar aniqlandi 20 mlrd so‘mga yaqin noqonuniy davlat xaridlari aniqlandi