Namanganda yo‘l o‘rtasiga ko‘p yillik chinor qulab tushdi

8-dekabr kuni Namangan viloyati Mingbuloq tumanida 60-yillarida ekilgan chinor yo‘l o‘rtasiga quladi.

Namangan viloyatining Mingbuloq tumani Jomasho‘y shaharchasi markazidagi ko‘p yillik chinor qulab tushdi.

“Daryo”ning xabar berishicha, hodisa 8-dekabr kuni tushga yaqin sodir bo‘lgan. Baxtli tasodif bilan odamlarga shikast yetmagan, avtomobillar talafot ko‘rmagan.

Xudoning o‘zi saqladi. Gavjum ko‘cha bu, bozor bo‘ladigan kunlarga to‘g‘ri kelganida oqibati yomon bo‘lardi, deya izoh qoldirgan voqea guvohlari.

O‘tgan asrning 60-yillarida ekilgan chinorning qulashiga daraxtning qurigani sabab bo‘lgani aytilmoqda.

Gavjum yo‘lni to‘sib qo‘ygan daraxt mahalliy aholi yordamida chetga olinib, shox-shabbalari arralanib, obodonlashtirish boshqarmasi ixtiyoriga topshirilgan.

NOVA24 YouTubeʼda. Obuna boʻling
Asosiy yangiliklar va qiziqarli videolar