Наманганда илк қўғирчоқ театри фаолиятини бошлади

Байрамона безатилган 240 ўринли томоша зали ва 70 ўринли кинозал болалар ихтиёрига топширилди.

Наманганда илк бор вилоят қўғирчоқ театри фаолиятини бошлади. Бу ҳақда «Дарё» хабар бермоқда.

Наманган шаҳридаги собиқ «Ўзбекистон» кинотеатри биносини қайта таъмирлаш ва жиҳозлаш ишларига 19 миллиард сўмга яқин маблағ сарфланди.

Байрамона безатилган 240 ўринли томоша зали ва 70 ўринли кинозал болалар ихтиёрига топширилди.

Театрнинг кириш қисмида ёш томошабинларни турли асарлар қаҳрамонлари бўлган қўғирчоқлар қарши олади. Шу ернинг ўзида қўғирчоқларни тайёрлаш цехи ҳам ўрин олган.

Очилиш маросимида меҳмонларга янги театрдаги илк саҳна асари — Иқбол Мирзо қаламига мансуб «Алишер Навоий ва Ҳусайннинг ёшлиги» спектакли намойиш этилди.

Тадбирда вилоят ҳокими Шавкат Абдураззоқов, маданият вазирининг биринчи ўринбосари Авазхон Тожихонов иштирок этди.

NOVA24 Telegramʼda. Obuna boʻling
Tezkor xabarlar va asosiy voqealar