15 May 2024, 11:25 Oʻzbekiston

Наманганда бир туп дарахтни ноқонуний кесган шахс 8,5 млн сўм жаримага тортилди

Маҳаллада ҳуқуқбузар томонидан ариқ бўйида ўсиб турган бир туп дарахт тегишли рухсатномасиз кесиб юборилгани аниқланди.

Наманганда бир туп дарахтни ноқонуний кесган шахс 8,5 млн сўм жаримага тортилди

Наманган вилояти Экология бошқармаси Янгиқўрғон туман бўлими ходимлари томонидан навбатдаги рейд тадбири ўтказилди.

Маълум қилинишича, рейд давомида туманнинг «Ғалаба» маҳалласида ҳуқуқбузар томонидан ариқ бўйида ўсиб турган бир туп дарахт тегишли рухсатномасиз кесиб юборилгани аниқланди.

Ҳолат юзасидан фуқарога нисбатан Маъмурий жавобгарлик тўғрисидаги кодекснинг 79-моддаси 1-қисми (дарахтларни, буталарни, бошқа ўсимликларни ва ниҳолларни қонунга хилоф равишда кесиш, кундаков қилиш, шикастлантириш, йўқ қилиш ёки бошқа жойга кўчириб ўтказиш) билан маъмурий баённома расмийлаштирилди.

Ҳуқуқбузар базавий ҳисоблаш миқдорининг 25 баравари — 8 миллион 500 минг сўм миқдорида жаримага тортилди.

Mashhur yangiliklar