Namangan viloyatida yongʻin oqibatida ogʻir kuyish jarohatini olgan ikki bolani qutqarishning iloji boʻlmadi

Yongʻin bolalar uyning yertoʻlasidagi oʻtinlarni yoqish uchun gugurt bilan oʻynashga qaror qilganlarida sodir boʻlgan.

Namangan viloyatidagi uylardan birida sodir boʻlgan yongʻin oqibatida ogʻir jarohat olgan ikki bola vafot etdi, deb xabar bermoqda “Daryo”.

Yongʻin 23-mart kuni Yangiqoʻrgʻon tumanida yuz bergan. Uch bola uyning yertoʻlasiga tushib, gugurt bilan oʻynagan, sellofan, oʻtin va somonga oʻt qoʻygan, natijada yongʻin kelib chiqqan.

Voqea joyida bir bola halok boʻlgan, ikki bola esa shifoxonaga yetkazilgan. Shifokorlarning barcha saʼy-harakatlariga qaramay, ularni qutqarishning iloji boʻlmadi. Ushbu holat yuzasidan sud-tibbiy ekspertiza tayinlanib, tergov harakatlari olib borilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar