Muvofiqlikni baholash organlari sifatsiz mahsulotdan ko‘rilgan zararni qoplaydi
Biznes bunday tovarlarni bozordan olib qo‘ygani uchun rag‘batlantiriladi.
O‘zbekistonda muvofiqlikni baholash qoidalari buzilgan hollarda muvofiqlikni baholash organlari uchun javobgarlik joriy etildi, deyiladi hukumat qarorida.
Ma’lumotlarga ko‘ra, agar muvofiqlikni baholash qoidalari buzilishi oqibatida fuqaroning hayoti yoki sog‘lig‘iga zarar yetkazilgan bo‘lsa, muvofiqlikni baholash organi sotuvchi va tovar, ish yoki xizmat ishlab chiqaruvchisi bilan birgalikda yetkazilgan zararni qoplash uchun solidar javobgar bo‘ladi.
Bundan tashqari, yangilik sifatsiz tovarlarni ixtiyoriy ravishda olib qo‘ygan tadbirkorlarni huquqiy rag‘batlantirishni nazarda tutadi. Xususan, standartlarning majburiy talablariga javob bermaydigan mahsulotlarning kamida 70 foizini chaqirib olgan yuridik shaxslar moliyaviy sanksiyalardan ozod etiladi. Qonun 2026 yil 19 yanvardan e’tiboran kuchga kiradi.
Avvalroq sifatsiz tovarlarni aniqlagan o‘zbekistonliklar mukofotlanishi haqida xabar berilgandi. Xavfli mahsulotlardan jabrlanganlarga yetkazilgan zarar qoplanadi.
Izohlar