16-yanvar kuni Farg‘ona viloyati maktabgacha va maktab ta’limi boshqarmasi boshlig‘i Buvayda tumanidagi 37-maktab direktorini noqonuniy ishdan bo‘shatgani uchun jarimaga tortildi.
Avvalroq direktor Yangi yil bayramida o‘qituvchilarni maktabda 24 soatlik navbatchilikka qo‘ygan, jamoatchilik noroziligidan so‘ng u ishdan bo‘shatilgandi. Keyinchalik ma’lum bo‘lishicha, direktor Ta’lim boshqarmasining to‘g‘ridan-to‘g‘ri buyrug‘ini bajargan. Ta’lim vazirligi vakilining so‘zlariga ko‘ra, farmonda o‘qituvchilarning ish joyida bo‘lishi ko‘zda tutilmagan. Shu bilan birga, vazirlik bu holatda aynan kim navbatchilik qilishi kerakligiga aniqlik kiritmagan.
Shundan so‘ng erkak direktor lavozimiga tiklandi. Farg‘ona viloyati ta’lim boshqarmasi boshlig‘i direktorni ishdan bo‘shatish bo‘yicha noqonuniy harakatlarga yo‘l qo‘ygani uchun jarimaga tortildi.
Bundan tashqari, mehnat qonunchiligini buzgan Xorazm viloyati davlat ta’lim muassasasi rahbariga, shuningdek, pedagog xodimning xizmat vazifalarini bajarishiga to‘sqinlik qilgan Toshkent shahar Uchtepa tumani MMTB rahbariga nisbatan ma’muriy jazo choralari belgilandi.
Eslatib o‘tamiz, O‘zbekistonda 2030-yilga borib o‘qituvchi va tarbiyachilarning ish haqini ikki baravar oshirish rejalashtirilgan. Shuningdek, hukumat pedagogika yo‘nalishlarida tahsil olayotgan bitiruvchilar sonini ko‘paytirishni rejalashtirmoqda.
