Mitropolit Vikentiy migrantlar bilan bog‘liq vaziyat fonida jamiyatga murojaat bilan chiqdi

Markaziy Osiyo mitropolit okrugi rahbari Toshkent va O‘zbekiston mitropoliti Vikentiy migrantlarga nisbatan kuch ishlatilgani haqidagi xabarlardan so‘ng rahm-shafqat, adolat va inson qadr-qimmatini hurmat qilishga chaqirdi.

Cherkov, mitropolit Vikentiy ta’kidlaganidek, inson qadr-qimmatini kamsitish va ayniqsa zo‘ravonlikning har qanday shakliga yo‘l qo‘yib bo‘lmaydi, deb hisoblaydi. Uning so‘zlariga ko‘ra, turli mamlakatlarda mehnat muhojirlariga nisbatan zo‘ravonlik, adolatsiz munosabat va haqoratlar ko‘payib borayotganidan xavotirda.

Shu bilan birga, mitropolit Vikentiy alohida migrantlarning o‘zlari xavf manbasiga aylanishi – terrorchilik harakatlarida ishtirok etishi, jinoyatlar sodir etishi va umuman mehnat muhojirlariga nisbatan ishonchsizlikni keltirib chiqarishi ham og‘riqli ekanligini ta’kidladi.

Mitropolit Toshkent va O‘zbekiston yeparxiyasi o‘z vatanidan ishlash va oilasiga yordam berish uchun ketganlarga nisbatan adovat, ta’qib va shafqatsizlikni qo‘llab-quvvatlay olmasligini alohida ta’kidladi. Uning so‘zlariga ko‘ra, muhojirlar orasida munosib, halol va mehnatsevar odamlar ko‘p.

Shu bilan birga, yeparxiya zo‘ravonlikni oqlashga bo‘lgan har qanday urinishni qoralaydi – hatto u yaqinlariga g‘amxo‘rlik qilish bahonasida sodir etilgan bo‘lsa ham. Murojaatda, shuningdek, migrantlar ishlayotgan mamlakatlarning qonunlari va an’analarini hurmat qilishga, shuningdek, qabul qiluvchi jamiyatlar va davlat tuzilmalari tomonidan ularga nisbatan adolatli va hurmat bilan munosabatda bo‘lishga chaqiriq bor.

Maqsad vositalarni oqlamaydi. Biz oqillik, hushyorlik ko‘rsatishga va bir tomondan ham, boshqa tomondan ham alohida shaxslarning xatti-harakatlari tufayli xalqlar o‘rtasidagi munosabatlarning keskinlashishiga yo‘l qo‘ymaslikka chaqiramiz, – deyiladi xabarda.

Mitropolit Vikentiy ko‘p millatli O‘zbekiston xalqlar va dinlarning tinch-totuv yashashi, qardoshlik, yaxshi qo‘shnichilik va diniy bag‘rikenglik ruhi saqlanib qolgani namunasi ekanini ta’kidladi.

Cherkovning muhabbat va Injilga asoslangan ovozi eslatma bo‘lsin: har bir inson hurmatga loyiq va rahm-shafqat tugagan joyda vayronagarchilik boshlanadi, – dedi u.

Eslatib o‘tamiz, 8 iyun kuni Moskvaning Sokolniki tumanida huquq-tartibot idoralari tomonidan muhojirlar maqomini tekshirish bo‘yicha reyd o‘tkazilgan, huquq-tartibot idoralari xodimlari xorijliklarga nisbatan qo‘pol va kuch ishlatgan. O‘shanda O‘zbekiston Rossiya TIVga nota yuborgandi. O‘zbekiston tomoni vaziyatni tushuntirish va huquq-tartibot idoralari xodimlarining xatti-harakatlariga huquqiy baho berishni so‘radi. O‘zbekiston tomoni vaziyatni tushuntirish va huquq-tartibot idoralari xodimlarining xatti-harakatlariga huquqiy baho berishni so‘radi.

Keyinroq Rossiya Tashqi ishlar vazirligi migrantlarga qarshi kuch ishlatish reydlaridan keyin O‘zbekistonning notasiga munosabat bildirdi. Mariya Zaxarova olingan xolis ma’lumotlarni belgilangan tartibda O‘zbekistonga yetkazishini ta’kidladi.