Maktablarda o‘quvchilar haqida ma’lumotlar to‘plash boshlanadi
Bolalar haqidagi ma’lumotlar maktab maslahatchilari tomonidan yangi platforma orqali kiritiladi.
2028-yil sentyabr oyidan boshlab maktablarda o‘quvchilar uchun hujjatlar to‘plami yig‘ila boshlaydi, bolalar to‘g‘risidagi ma’lumotlar maktab maslahatchilari tomonidan yangi ERP.PORTFOLIO platformasi orqali kiritiladi, deb xabar beradi Maktabgacha va maktab ta’limi vazirligi matbuot xizmati.
Platformada 1-sinfdan 11-sinfgacha bo‘lgan o‘quvchilar portfoliosi bazasi shakllantiriladi. U maktab maslahatchilari tomonidan yuritiladi va 2028-2029 o‘quv yilidan boshlab guvohnomalarda aks ettiriladi. Shuningdek, maktablarda o‘quvchilarning bo‘sh vaqtini mazmunli tashkil etish bo‘yicha aniq konseptual tizim joriy etiladi.
Bog‘cha, maktab, akademik litsey, kasb-hunar va oliy o‘quv yurtlarida ma’naviy-ma’rifiy tadbirlarni yagona tizim asosida tashkil etish bugungi kunning muhim talablaridan biridir.
Mavzuga doir: “Jinoyatdan immunitet”: maktab o‘quvchilari ko‘chada yurishni to‘xtatadi Rasmiylar bo‘sh vaqtni mazmunli o‘tkazish tizimini joriy etishga qaror qilishdi.
Izohlar