Kasbiy ijodiy imtihonlar sanasi e’lon qilindi
Abituriyentlar yonida shaxsini tasdiqlovchi hujjat va ruxsatnoma varaqasi bo‘lishi kerak bo‘ladi.
O‘zbekistonda 12-13 avgust kunlari ko‘chib ketish istagida bo‘lgan talabalar uchun kasbiy ijodiy imtihonlar o‘tkaziladi, deb xabar bermoqda Bilimni baholash agentligi matbuot xizmati.
Ma’lumotlarga ko‘ra, bunday imtihonlar xorijiy, shuningdek, O‘zbekistonda faoliyat yuritayotgan xorijiy va nodavlat oliy ta’lim muassasalaridan alohida iqtidor talab etiladigan yo‘nalishlar bo‘yicha davlat oliy ta’lim muassasalariga o‘qishini ko‘chirmoqchi bo‘lgan talabalar uchun o‘tkaziladi.
Qayd etilishicha, abituriyentlar agentlik saytidagi shaxsiy kabinetda ishtirok etish uchun ruxsatnoma olishlari mumkin bo‘ladi. Sinov kuni ishtirokchilar test o‘tkaziladigan binoga ruxsatnomada ko‘rsatilgan vaqtdan kechiktirmay, pasport yoki boshqa shaxsni tasdiqlovchi hujjat va ruxsatnoma bilan kelishlari kerak bo‘ladi.
Avvalroq oliy ta’lim vaziri talabalarni pora evaziga o‘qishga qabul qilmaslikni so‘ragani xabar qilingandi. Qo‘ng‘irotboy Sharipov Oliy ta’lim vazirligi korrupsiyaga qarshi murosasiz kurashish tarafdori ekanini ta’kidladi.
Izohlar