Jo‘rabek Rahimov Xorazm hokimi lavozimiga qayta tasdiqlandi

Jo‘rabek Rahimov Xorazm viloyati hokimi lavozimiga bir ovozdan tasdiqlandi.

Jo‘rabek Rahimov Xorazm viloyati hokimi etib qayta tasdiqlandi. Bu haqda viloyat hokimligi matbuot xizmati xabar berdi.

5-noyabr kuni xalq deputatlari Xorazm viloyati Kengashining yettinchi chaqiriq birinchi sessiyasi bo‘lib o‘tdi. Sessiyada 14-G‘ozovot saylov okrugidan saylangan deputat Altibay Radjabov xalq deputatlari Xorazm viloyati kengashi raisi etib saylandi.

Sessiyada Jo‘rabek Rahimov Xorazm viloyati hokimi lavozimiga bir ovozdan tasdiqlandi.

Jo‘rabek Rahimov 2022-yil dekabrda Xorazm viloyati hokimi vazifasini bajaruvchi etib tayinlangandi. 2023-yilning mart oyida u Xorazm viloyati hokimi lavozimiga tasdiqlangandi.

NOVA24 YouTubeʼda. Obuna boʻling
Asosiy yangiliklar va qiziqarli videolar