Jizzaxda 23 yoshli ayolni fohishalik uchun Rossiyaga sotib yubormoqchi bo‘lgan erkak qamaldi

Do‘stlik tumanida o‘ziga notanish bo‘lgan ayolni Rossiyaga fohishalik uchun sotib yubormoqchi bo‘lgan erkakka hukm o‘qildi.

Jizzax viloyati Do‘stlik tumanida 23 yoshli ayolni fohishalik uchun sotib yubormoqchi bo‘lgan erkakka sud hukmi o‘qildi. Bu haqda “Millar” dasturida xabar berildi.

Qayd etilishicha, 29 yoshli erkak o‘ziga notanish bo‘lgan ayolni Rossiyaga fohishalik qilish maqsadida sotib yubormoqchi bo‘lganida ushlangan.

“Aybimga iqrorman, pushaymonman. Oilada yagona boquvchiman. Xotinim homilador va bir nafar voyaga yetmagan farzandim bor. Suddan yengillik so‘rayman”, dedi ayblanuvchi.

Jinoyat ishlari bo‘yicha Do‘stlik tumani sudi erkakni Jinoyat kodeksining 135-moddasi 1-qismi (Odam savdosi) bilan aybli deb topdi. Unga nisbatan 3 yil 6 oy muddatga ozodlikni cheklash jazosi tayinlandi.

NOVA24 Telegramʼda. Obuna boʻling
Tezkor xabarlar va asosiy voqealar