Italiyaning Oʻzbekistondagi elchisi favqulodda va muxtor elchisi Agostino Pinna oʻz faoliyatini yakunladi. Bu haqda Tashqi ishlar vaziri Baxtiyor Saidov Telegram’dagi kanalida maʼlum qildi.

Bildirilishicha, bugun, 26-noyabr kuni Italiyaning Oʻzbekistondagi elchisi Agostino Pinna bilan xayrlashuv uchrashuvi oʻtkazilgan.

Dinamik iqtisodiy hamkorlik, yangi investitsiyaviy loyihalar, tadbirkorlar oʻrtasidagi yaqin aloqalar va muntazam siyosiy uchrashuvlar strategik sherikligini mustahkamlashga xizmat qilmoqda. Janob elchiga mamlakatimizda fidokorona xizmatlari uchun Tashqi ishlar vazirligi nomidan minnatdorlik bildirib, kelgusi faoliyatiga muvaffaqiyatlar tilaymiz, deb yozgan Baxtiyor Saidov.