Issiqning pasayishi va tog‘ yomg‘irlari: 17-avgust uchun ob-havo

17-avgust kuni O‘zbekistonda havo harorati pasayishi kutilmoqda, ba’zi joylarda chang-to‘zon bilan kuchli shamol esishi mumkin, ayrim hududlarda yog‘ingarchilik bo‘ladi, deya xabar berdi O‘zgidromet.

Toshkentda shamol shimoli-g‘arbdan 3-8 m/s tezlikda esadi, ba’zi joylarda 10-12 m/s gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 19-21^°, kunduzi 30-32^° bo‘ladi.

Hududlar bo‘yicha ob-havo:

• Qoraqalpog‘iston Respublikasi va Xorazm viloyatida shamol shimoli-g‘arbdan 7-12 m/s tezlikda esadi. Harorat kechasi 15-20^°, kunduzi 30-35^°;
• Buxoro va Navoiy viloyatlarida shamol shimoli-g‘arbdan 7-12 m/s tezlikda esadi, ba’zi joylarda 13-16 m/s gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 17-22^°, kunduzi 28-33^° issiq;
• Toshkent, Samarqand, Jizzax va Sirdaryo viloyatlarida shamol shimoli-g‘arbdan 7-12 m/s tezlikda esadi, ba’zi joylarda 13-16 m/s gacha kuchayishi, ayrim joylarda chang-to‘zonlar kuzatilishi mumkin. Harorat kechasi 18-23^°, kunduzi 27-32^° bo‘ladi;
• Qashqadaryo va Surxondaryo viloyatlarida shamol sharqdan 9-14 m/s tezlikda esadi, ba’zi joylarda chang-to‘zon bilan kuzatiladi. Harorat kechasi 19-24^°, kunduzi 33-38^° bo‘ladi.
• Farg‘ona, Andijon, Namangan viloyatlarida sharqiy shamol yo‘nalishini o‘zgartirib, shimoli-g‘arbdan 5-10 m/s tezlikda esadi, ba’zi joylarda 12-15 m/s gacha kuchayishi, ayrim joylarda chang-to‘zonlar kuzatilishi mumkin. Harorat kechasi 19-24°, kunduzi 27-32^° bo‘ladi.

Tog‘li va tog‘oldi hududlarda ayrim joylarda qisqa muddatli yomg‘ir, momaqaldiroq bo‘lishi mumkin. Sharqiy shamol shimoli-g‘arbga o‘zgarib, 7-12 m/s tezlikda esadi, ba’zi joylarda 13-18 m/s gacha kuchayishi ehtimoli bor. Harorat kechasi 12-17^°, kunduzi 19-24^° bo‘ladi.

Avvalroq dam olish kunlari o‘zbekistonliklarni yog‘ingarchiliksiz mo‘tadil issiq havo kutayotgani haqida xabar berilgandi. Faqat respublikaning ayrim hududlarida qisqa muddatli yomg‘ir yog‘ishi mumkin.