Хусен Тўхтаев Самарқанд вилояти ҳокимига ўринбосар бўлди

Ёшлар ишлари агентлиги Самарқанд вилояти бошқармаси бошлиғи лавозимида ишлаб келган Хусен Тўхтаев Самарқанд вилояти ҳокими ўринбосари этиб тайинланди.

Хусен Мирзаевич Тўхтаев Самарқанд вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари вазифасига тайинланди. Бу ҳақда вилоят ҳокимлиги ахборот хизмати хабар берди.

Тўхтаев 1986 йил 30 июлда Самарқанд вилояти Оқдарё туманида туғилган. 2012 йилда Самарқанд давлат университетининг бакалавр, 2014 йилда эса магистратура босқичини тамомлаган.

Маълумоти бўйича мутахассислиги: миллий ғоя, маънавият асослари ва ҳуқуқ таълими. 2017 йилда «Дўстлик» ордени билан тақдирланган.

Турли йилларда «Камолот» ёшлар ижтимоий ҳаракати ҳудудий етакчиси лавозимида ишлаган. Мазкур тайинловга қадар Ёшлар ишлари агентлиги Самарқанд вилояти бошқармаси бошлиғи лавозимида фаолият олиб борган.

NOVA24 TikTokʼda. Obuna boʻling
Asosiy yangiliklar va qiziqarli videolar