Humo Давлат активларини бошқариш агентлигига ўтказилди

Тўлов тизими операторларининг устав фонди 2024 йилнинг 1 июлидан 50 млрд сўм, тўлов ташкилотиники эса 10 млрд сўм бўлиши лозим.

2024 йилнинг 1 июлидан тўлов тизими операторлари ва тўлов ташкилотлари фаолият юритиши учун акциядорлик жамияти кўринишида ташкил қилинган бўлиши керак. Бу ҳақда тегишли президент қарорига таяниб, davletov.uz телеграм канали хабар берди.

Тўлов тизими операторларининг устав фонди 2024 йилнинг 1 июлидан 50 млрд сўм, тўлов ташкилотиники эса 10 млрд сўм бўлиши лозим (2025 йил 1 июлидан 20 млрд).

Humo (Миллий банклараро процессинг маркази) устав капиталидаги давлат улуши эса Давлат активларини бошқариш агентлигига ўтказилади.

Аввалроқ тижорат банкларининг капиталлашув даражасини ошириш ва ресурс базасини кўпайтириш мақсадида 2023 йил 1 сентябрдан бошлаб банклар устав капиталининг энг кам миқдори 200 млрд сўмга оширилганди.

Шунингдек, энг қуйи чегара 2024 йил 1 апрелдан бошлаб 350 млрд сўмга, 2025 йил 1 январдан эса 500 млрд сўмга кўтарилади.

NOVA24 Instagramʼda. Obuna boʻling
Asosiy yangiliklar va qiziqarli videolar