Hukumat gaz to‘lovi masalasida kimlarga yordam beradi?
Adliya vazirligi fuqarolarning qaysi toifalari yordam olishini eslatdi.
O‘zbekiston Adliya vazirligi tabiiy gaz uchun to‘lovni amalga oshirishda moddiy yordam kimlarga berilishini eslatib o‘tdi.
Prezident qaroriga ko‘ra, tabiiy gaz to‘lovi uchun moddiy yordam quyidagi reyestrlarga kiritilgan oilalarga beriladi:
- “Ijtimoiy himoya yagona reyestri” axborot tizimi orqali bolalarga nafaqa va moddiy yordam oluvchilar;
- kambag‘al oilalar reyestriga kiritilgan.
Shuningdek, reyestrlarga kiritilmagan, biroq moddiy ahvoli bo‘yicha kam ta’minlangan oilalar mezonlariga mos keladigan, aholi jon boshiga to‘g‘ri keladigan daromadlari eng kam iste’mol xarajatlarining 1,5 baravaridan oshmaydigan oilalarga ham yordam ko‘rsatiladi.
Qayd etilishicha, tabiiy gaz iste’molchilariga bazaviy norma doirasidagi narx va bazaviy normadan ortiqcha iste’mol qilingan hajm uchun tariflardagi farq:
- oyiga 250 kub metrgacha — isitish mavsumida;
- oyiga 150 kub metrgacha — boshqa davrlarda.
Shuningdek, 2025/2026 yilgi isitish mavsumida quyidagi oilalarga 1 mln so‘m miqdorida bir martalik moddiy yordam ajratiladi:
- reyestrlarga kiritilgan oilalarga;
- reyestrlarga kiritilmagan, biroq “Mahalla yettiligi” xulosasi asosida yordamga muhtoj deb topilgan oilalarga.
Avvalroq Toshkentda qishda yorug‘lik, gaz va issiqlik ta’minotini 24 soat monitoring qilish shtabi paydo bo‘lgani haqida xabar berilgandi. Ishchi guruh fuqarolarning shikoyatlarini ham hal qiladi.
Izohlar