Gulnora Normurodova Jizzax viloyati hokimiga oʻrinbosar boʻldi

Bunga qadar mazkur lavozimda ishlagan Nazira Muxtorova esa Oliy Majlis Qonunchilik palatasi deputatligiga saylangan.

Gulnora Normurodova Jizzax viloyati hokimining oʻrinbosari — oila va xotin-qizlar boshqarmasi boshligʻi lavozimiga tayinlandi. Bu haqda viloyat hokimligi axborot xizmati xabar berdi.

Gulnora Normurodova 1985-yilda Jizzax tumanida tugʻilgan. U mazkur tayinlovga qadar Savdo-sanoat palatasi Jizzax viloyati boshqarmasi boshligʻining oʻrinbosari lavozimida faoliyat olib borayotgan edi.

2018-yildan 2024-yilgacha viloyat hokimining oʻrinbosari – oila va xotin qizlar boshqarmasi boshligʻi boʻlib ishlab kelgan Nazira Muxtorova esa Oliy Majlis Qonunchilik palatasi deputatligiga saylangandi.

NOVA24 Telegramʼda. Obuna boʻling
Tezkor xabarlar va asosiy voqealar