“G‘ishtko‘prik” postida 40 bosh qushni kiyimining ichiga yashirib o‘tayotgan shaxs ushlandi

Hozirda holat yuzasidan bojxona organlari tomonidan surishtiruv harakatlari davom etmoqda.

Toshkent viloyatidagi bojxonada 40 bosh qushni kiyimining ichiga yashirib o‘tmoqchi bo‘lgan shaxs ushlandi.

Viloyat bojxona boshqarmasining xabar berishicha, viloyatdagi “G‘ishtko‘prik” chegara bojxona posti orqali qo‘shni mamlakatdan yurtimizga kirib kelayotgan fuqaro xatti-harakatlari bojxona xodimlarining e’tiborini tortgan.

O‘tkazilgan shaxsiy ko‘rik paytida shaxs egnidagi kiyimining ichiga og‘zaki so‘rovda ma’lum qilinmagan hamda deklaratsiyalanmagan 40 bosh sa’va qushlari yashirilgani aniqlangan.

Qayd etilishicha, hozirda yuqoridagi holat yuzasidan bojxona organlari tomonidan surishtiruv harakatlari davom etmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar