G‘ayrat Nasirov Bojxona qo‘mitasi raisining birinchi o‘rinbosari bo‘ldi

Prezident qarori bilan G‘ayrat Nasirov Bojxona qo‘mitasi raisining birinchi o‘rinbosari etib tayinlandi.

Prezidentning 11-fevraldagi qarori bilan bojxona xizmati polkovnigi G‘ayrat Farxadovich Nasirov Bojxona qo‘mitasi raisining birinchi o‘rinbosari etib tayinlandi, deb xabar qildi boshqarma matbuot xizmati.

U 2022-yil mart oyidan buyon “Toshkent-Aero” ixtisoslashtirilgan bojxona kompleksi boshlig‘i, ungacha esa mazkur kompleks boshlig‘i o‘rinbosari lavozimida ishlab kelgan.

2021-yil fevral oyidan Bojxona qo‘mitasi rahbarining birinchi o‘rinbosari lavozimida faoliyat yuritayotgan Ilxom Muxtorov ishini bojxona organlarining boshqa tuzilmalarida davom ettiradi.

NOVA24 TikTokʼda. Obuna boʻling
Asosiy yangiliklar va qiziqarli videolar