Fargʻonada Nexia-2’ni bahaybat daraxt bosib qoldi

6-noyabr kuni Qoʻqon shahrida bahaybat daraxt Nexia-2'ni bosib qoldi.

Fargʻona viloyati Qoʻqon shahrida avtomobil ustiga daraxt agʻdarilib tushdi. Bu haqda viloyat IIB Yoʻl harakati xavfsizligi boshqarmasi xabar berdi.

Qayd etilishicha, hodisa joriy yilning 6-noyabr kuni Qoʻqon shahar “Sarboz” koʻchasida sodir boʻlgan. Yomgʻir yogʻishi va shamol sababli chinor daraxti shu koʻchada toʻxtab turgan “Nexia-2” avtomobili ustiga qulab tushgan. Bu vaqtda avtomobilda haydovchi va yoʻlovchi boʻlmagani sababli hech kim tan jarohati olmagan.

Hodisa joyiga FVV qutqaruvchilari, YPX hamda boshqa tegishli tashkilotlar xodimlari yetib borib, vaziyat oqibatlarini bartaraf etgan.

NOVA24 Instagramʼda. Obuna boʻling
Asosiy yangiliklar va qiziqarli videolar