Farg‘onada mikroavtobus va yuk mashinasi ishtirokida YTH sodir bo‘ldi

Quva tumani hududida mikroavtobus va yuk mashinasi ishtirokida YTH yuz berdi.

Farg‘ona viloyati Quva tumanida yuk mashinasiga urilgan mikroavtobus pachoqlanib ketdi. Viloyat YHXB holat yuzasidan ma’lumot berdi.

Unga ko‘ra, holat 5-sentyabr kuni soat 11:20 larda Quva tumani hududidan o‘tgan 4R-112 Farg‘ona halqasi avtomobil yo‘lining 186-kilometrida sodir bo‘lgan. Hyundai rusumli mikroavtobus haydovchisi boshqaruvni yo‘qotib, yo‘l chetida to‘xtab turgan yuk mashinasiga borib urilgan.

Yo‘l-transport hodisasi natijasida tan jarohati olganlar yo‘q. Hozirda ushbu holat yuzasidan Quva tumani Ichki ishlar boshqarmasi YHXB tomonidan o‘rganish ishlari olib borilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar