Fargʻonada metan “zapravka” 792,5 mln soʻmlik gazdan noqonuniy foydalangani aniqlandi
Hozirda mazkur holat yuzasidan jinoyat ishi qoʻzgʻatilib, tergov harakatlari oʻtkazilmoqda.
Fargʻona viloyati Oʻzbekiston tumanidagi metan gaz quyish shoxobchasida 304,8 ming kub. metr tabiiy gazdan noqonuniy foydalanilganligi fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Bosh prokuratura huzuridagi Departamentning Fargʻona viloyat boshqarmasi va “Oʻzenergoinspeksiya” xodimlari hamkorligida nazorat tadbiri oʻtkazilgan . Unda “F.M.” MChJ masʼul shaxslari Oʻzbekiston tumani Qaynar MFY hududidagi avtomobillarga metan gaz quyish shoxobchasida oʻrnatilgan gaz hisoblagichga avtomatik oʻchirib yoqish qurilmasini oʻrnatib, 304,8 ming kub. metr tabiiy gazdan tijorat maqsadida noqonuniy foydalanib, davlat va jamiyat manfaatlariga 792,5 mln soʻm zarar yetkazganliklari aniqlangan.
Mazkur holat yuzasidan Jinoyat kodeksining 169-moddasi (oʻgʻrilik) bilan jinoyat ishi qoʻzgʻatilib, tergov harakatlari oʻtkazilmoqda.
Мавзуга оид хабарлар:
Farg‘onada qidiruvdagi mashina YTHga uchragan holda topildi Farg‘onada mikroavtobus va yuk mashinasi ishtirokida YTH sodir bo‘ldi Farg‘onada avtotreyler YTHga uchradi Fargʻonada 72 yoshli ota oʻgʻlini pichoqlab oʻldirdi Farg‘onada yuz bergan avariya oqibatida ikki yo‘lovchi halok bo‘ldi