Farg‘onada maishiy chiqindilarni to‘plash va olib chiqib ketish narxlari oshirildi

Aholi uchun chiqindilarni olib chiqish narxi oyiga 7500 so‘m, budjet va xo‘jalik tashkilotlarga bir kubometri uchun 112 ming 650 so‘m qilib belgilandi.

Farg‘ona viloyati hududlarida maishiy chiqindilarni to‘plash va olib chiqib ketish bo‘yicha xizmat ko‘rsatish uchun majburiy to‘lov tariflari tasdiqlandi, deya xabar berdi viloyat hokimligi matbuot xizmati.

Qayd etilishicha, Xalq deputatlari Farg‘ona viloyati kengashining 20-martdagi tariflarni qayta ko‘rib chiqishga doir qarori qabul qilingan.

Unga ko‘ra, endi qattiq maishiy chiqindilar uchun aholiga (bir kishi uchun) bir oylik to‘lov miqdorlari quyidagicha bo‘ladi (bunda narx QQSni o‘z ichiga oladi):

• shahar hududida — 7500 so‘m (ilgari 5600 so‘m);
• tuman hududida — 6500 so‘m (ilgari 4480 so‘m).

Shuningdek, budjet va xo‘jalik tashkilotlari uchun narx 1 metr kubga 112 ming 650 so‘m (QQS bilan) va 100 ming 580 so‘m (QQSsiz) qilib belgilanmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar