Farg‘onada avtotreyler YTHga uchradi

“Toshkent-Oʻsh” avtomobil yoʻlining Farg‘ona viloyati hududidan o‘tgan qismida avtotreyler YTHga uchradi.

Ijtimoiy tarmoqlarda YTHga uchragan avtotreyler videosi tarqaldi. UzAuto Motors holat yuzasidan rasmiy ma’lumot berdi.

Yo‘l-transport hodisasi Farg‘ona viloyatida 4 sentabr kuni soat taxminan 18:00 da sodir bo‘lgan.

Logistika avtotreyleri haydovchisi boshqaruvni yo‘qotib, yo‘ldan chiqib ketgan.

YTH natijasida 8 ta Chevrolet Cobalt avtomobili zarar ko‘rgan, avtotreyler haydovchisi jarohatlanmagan.

Hozirda voqea joyida UzAuto Motors mas’ul xodimlari ishlamoqda.

NOVA24 Telegramʼda. Obuna boʻling
Tezkor xabarlar va asosiy voqealar