Fargʻona xavfli hudud deya video olgan blogerlar jazolandi

Bir nechta fuqarolar “shoqollar” shiori ostida zoʻravonlikni targʻib qiluvchi videolarni joylashtirgani uchun maʼmuriy ish qoʻzgʻatildi.

Ijtimoiy tarmoqlarda tomosha koʻrsatgan shaxslar maʼmuriy javobgarlikka tortildi, deya xabar bermoqda Fargʻona viloyati IIB axborot xizmati.

Maʼlum boʻlishicha, 1994-yil Quva tumanida tugʻilgan Fargʻona shahrida yashovchi fuqaro oʻzining Instagram sahifasida “shoqollar” sarlavhasi ostida zoʻravonlikni targʻib qiluvchi videolarni joylashtirgan.

Mazkur holat yuzasidan ushbu shaxsga nisbatan MJtKning 189-1-moddasi tartibida hujjatlar rasmiylashtirilgan. Hozirda tergovga qadar tekshiruv harakatlari olib borilmoqda.

“Bilmasdan xato ish qilib qoʻydik. Qilgan ishimizdan pushaymonman. Har bir ishlamoqchi boʻlgan videoni avvaldan oʻylab, maslahat qilib keyin olinglar”, — dedi huquqbuzar va uning sheriklari.

NOVA24 TikTokʼda. Obuna boʻling
Asosiy yangiliklar va qiziqarli videolar