Фарғонада фуқаро уйида ноқонуний қурол сақлаб келаётгани аниқланди

Фуқаро хонадон чордоғида бир дона 5,6 калибрли қуролни тегишли ҳужжатларсиз сақлаб келаётгани аниқланиб, ашёвий далил тариқасида олинган.

Фарғона вилояти Фурқат туманида фуқаронинг яшаш хонадонидан ноқонуний равишда сақлаб келинаётган ов қуроли топилди. Бу ҳақда вилоят ИИБ хабар берди.

Ҳолат ходимлар томонидан ўтказилган тезкор тадбир давомида аниқланган. Фурқат тумани «Кармак» МФЙ Янгиобод кўчаси рақамсиз уйда яшовчи фуқаро Х.А.нинг яшаш хонадони холислар иштирокида кўздан кечирилган.

Айтилишича, фуқаро хонадон чордоғида бир дона 5,6 калибрли «Тоз 8» маркали қуролини тегишли ҳужжатларсиз сақлаб келаётгани аниқланиб, ашёвий далил тариқасида олинган. Мазкур ҳолат юзасидан терговга қадар текширув ишлари олиб борилмоқда.

NOVA24 Telegramʼda. Obuna boʻling
Tezkor xabarlar va asosiy voqealar