Eronda erkakning oshqozonidan qariyb 3 kg metall buyumlar chiqarib olindi
Eronda shifokorlar jarrohlik yo‘li bilan erkakning oshqozonidan 452 ta mayda metall buyumlarni olib tashladi.
Eronda shifokorlar erkakning oshqozonidan umumiy og‘irligi uch kilogrammga yaqin 452 ta mayda metall buyumlarni olib tashladi. Bu haqda Daily Mail xabar bermoqda.
37 yoshli bemor qorin og‘rig‘i va ko‘ngil aynishidan shikoyat qilib kasalxonaga kelgan — u hatto suv ham icholmaydigan holatda edi. Erkakning oshqozonini rentgen qilgan shifokorlar unda metall to‘planganini ko‘radi.
Shoshilinch jarrohlik amaliyoti o‘tkazilib, oshqozondan qariyb uch kilogramm vint, gayka, murvat, mix va boshqa narsalar topildi.
Bir necha kundan keyin bemorga psixoz tashxisi qo‘yildi. Bu gallyutsinatsiyalar ko‘rinishida bo‘lishi mumkin. Ruhiy buzilish kuchayganida buyumlarni erkakning o‘zi yutib yuborgan— u uch oy davomida metall “yegan”.
Psixoz bosh jarohati, o‘smalar, ruhiy tushkunlik va giyohvandlik bilan rivojlanadi. Shifokorlar bemorning afyunga qaramligini aniqladi. Erkak davolanish uchun ruhiy kasalliklar bo‘limiga yuborildi.
Мавзуга оид хабарлар:
Ibrohim Raisiy vertolyoti qulashi bo‘yicha o‘tkazilgan tergov yakunlandi Eronda Raisiyning o‘limi bo‘yicha tergov yakunlandi Eronda ziyoratchilarni olib ketayotgan avtobus YTHga uchradi Isroil Eronning keng ko‘lamli hujumiga tayyorlanmoqda Ўзбекистон ва Эрон Фаластин муаммосини ҳал этиш бўйича фикр алмашди