Ерни уч кун кучли магнит бўронлари қоплайди

Қуёш фаоллиги кузатиладиган кунларда соғлом одамлар саломатлигида ҳам ўзгаришлар содир бўлади.

Ерни 12, 13 ва 14 февраль кунлари кучли магнит бўронлари қоплайди. Бу ҳақда Метеоагент хабар берди.

Магнит бўроннинг сабаби Қуёшда содир бўлган Х синфидаги чақнашдир, бу қуёш чақнашлари синфларининг энг кучлиси ҳисобланади. Прогнозларга кўра, 12 ва 14 февралда 5 балли, 13 февралда эса 6 балли магнит бўрони кузатилиши кутилмоқда.

Қуёш фаоллиги кузатиладиган кунлар ҳатто соғлом одамлар ҳам саломатлигида ўзгаришлар кузатилаётганидан шикоят қилади. Жумладан, бош оғриғи, ҳолсизлик, диққатнинг пасайиши, асабийлашиш кузатилиши мумкин. Сурункали касалликларга чалинган одамлар ва қариялар ўзини ёмон ҳис қилади.

NOVA24 TikTokʼda. Obuna boʻling
Asosiy yangiliklar va qiziqarli videolar