Elektropoyezdlar Toshkent viloyatini poytaxtning osuda hududiga aylantiradi
Yangi tezyurar shoxobchalar aholiga har kuni Toshkentga qatnash imkonini beradi.
Shavkat Mirziyoyev 11-sentyabr kuni Toshkent viloyatida amalga oshirilayotgan islohotlar natijadorligi va yangi rejalar muhokamasi yuzasidan yig‘ilish o‘tkazdi.
Yig‘ilish doirasida prezident poytaxtda uy-joy va infratuzilmaga bo‘lgan talabni oshirish maqsadida Toshkent viloyatining barcha tumanlarini poytaxt bilan yangi tezyurar elektropoyezdlar orqali bog‘lash vazifasini qo‘ydi. Bundan tashqari, elektropoyezdlar viloyatlardan kelgan fuqarolarga har kuni poytaxtga ishlash uchun borish imkonini beradi.
Ma’lumot o‘rnida, hozir Toshkent shahriga har kuni viloyatlardan 1 million, shundan Toshkent viloyatidan 275 ming aholi keladi. Ular uchun asosiy transport vositasi avtomobillar bo‘lib qolmoqda, bu esa yo‘l tarmog‘iga, ayniqsa shaharga kirishda sezilarli yuklama beradi. Tirbandlik hatto prezidentni ham chetlab o‘tmadi.
9-iyul kuni bo‘lib o‘tgan yig‘ilishda prezident amaldagi transport tizimini tanqid qilib, poytaxtni viloyatning qo‘shni tumanlari bilan qamrab oladigan, shu jumladan avtobus yo‘nalishlarini uzaytirish, shuningdek, shaharlararo avtobus yo‘nalishlarini qayta tiklash orqali yagona aglomeratsiya transport tizimiga o‘tishni boshlash bo‘yicha topshiriq berdi.
Izohlar