Док-1 Макс иши: прокурор магентликнинг собиқ мансабдорларига 18 йилдан қамоқ сўради

Судда 68 нафар вафот этган, 16 нафар оғир тан жароҳати олган болалар учун судланувчилардан 100 млн сўмдан, 2 нафар енгил тан жароҳати олган болалар учун эса 20 млн сўмдан товон пули ундириш сўралди.

Док-1 Макс иши бўйича судда сўз олган прокурор Фармацевтика тармоқларини ривожлантириш агентлигининг собиқ раҳбари С.К. ва унинг икки ўринбосари сифатида ишлаган А.А. ҳамда М.Н.га 18 йилдан озодликдан маҳрум қилиш жазо тайинланишини сўради.

Маълум қилинишича, ушбу мансабдорларнинг ҳар бирини 3 йил муддатга моддий жавобгарлик ва мансабдорлик лавозимларида ишлаш ҳуқуқидан маҳрум қилиш талаб қилинган. Шунингдек, прокурор ҳиндистонлик айбланувчи С.Р.П.га 20 йил қамоқ жазоси сўраган.

Суд мажлисида давлат айбловчиси томонидан 68 нафар вафот этган, 16 нафар оғир тан жароҳати олган болалар учун судланувчилардан 100 млн сўмдан, 2 нафар енгил тан жароҳати олган болалар учун эса 20 млн сўмдан товон пули ундириш ҳам сўралган.

NOVA24 Telegramʼda. Obuna boʻling
Tezkor xabarlar va asosiy voqealar