Davlat xizmatchilarining oila a’zolari uchun “oilaviy kunlar” tashkil etiladi
Rasmiylar yangilikni tushuntirishmagan, taxminlarga ko‘ra, xodimga shu kuni oilasi bilan vaqt o‘tkazishga ruxsat beriladi.
Barcha idoralarda davlat xizmatchilarining oila a’zolari uchun “oilaviy kunlar” tashkil etiladi, deyiladi prezident farmonida.
“Davlat fuqarolik xizmatini yangicha yondashuvlar asosida tashkil etish hamda professional va natijadorlikka yo‘naltirilgan davlat xizmatchilari korpusini shakllantirish chora-tadbirlari to‘g‘risida”gi prezident farmoni qabul qilindi. Hujjatda davlat xizmatining nufuzini oshirish va xodimlar uchun munosib sharoitlar yaratish ko‘zda tutilgan.
Endi har yili har bir vazirlik va idorada davlat xizmatchilarining oila a’zolari uchun “oilaviy kunlar” tashkil etiladi. Farmonda izoh yo‘q — taxminlarga ko‘ra, shu kuni xodimga oilasi va qarindoshlari bilan vaqt o‘tkazishga ruxsat beriladi yoki oila a’zolari xodimning ish joyiga tashrif buyurishi mumkin.
Bundan tashqari, birinchi marta ishga qabul qilingan davlat xizmatchilari bilan ruda shartnomasi avval bir yilga tuziladi, keyin esa ish natijalariga qarab uzaytiriladi. Shuningdek, ular uch yilda kamida bir marta “Davlat xizmatiga kirish” majburiy maxsus kurslari va malaka oshirish kurslarida o‘qitiladi.
Avvalroq yangi amaldorlarning IQ darajasi tekshirilayotgani xabar qilingandi. Olingan natijalar asosida davlat xizmatchilarining kasbiy rivojlanish xaritasi tuziladi.
Izohlar