Dam olish kunlari yanada issiq bo‘ladi — O‘zgidromet

18-iyul va dam olish kunlari O‘zbekiston hududiga janubdan juda issiq va quruq havo kirib kelishi davom etadi.

Kunduzi havo harorati 40-43^o, janubda va cho‘l hududlarda 44-45^o gacha ko‘tariladi. Faqat respublikaning shimoli-g‘arbiy hududlarida dam olish kunlari issiqning biroz pasayishi kutilmoqda. Yakshanba kuni Qoraqalpog‘iston Respublikasi va Xorazm viloyatida kunduzgi havo harorati 35-38^o issiq bo‘ladi. Respublika bo‘yicha ba’zi joylarda shamol chang-to‘zonlar bilan 13-18 m/s gacha kuchayishi mumkin.

Toshkentda asosan kam bulutli ob-havo bo‘lishi kutilmoqda. Kechasi 24-27^o iliq, kunduzi 40-43^o issiq bo‘ladi.

Eslatib o‘tamiz, Toshkent shahri ketma-ket besh kun davomida o‘rtacha havo sifatini saqlab turibdi.