Chimyonda aylangani kelib, adashib qolgan ikki yigit qutqarildi

Aytilgan manzilga zudlik bilan bir guruh FVV qutqaruvchilari yetib borib, qidiruv-qutqaruv ishlarini olib borgan.

FVV qutqaruvchilari Katta Chimyon tog‘ida fuqarolarga amaliy yordam ko‘rsatdi, deb xabar bermoqda vazirlik axborot xizmati.

Ma’lum qilinishicha, 16-iyul kuni soat 00:28 da Toshkent viloyati, Bo‘stonliq tumanidagi “Chimyon” yong‘in-qutqaruv otryadiga Katta Chimyon tog‘ida 2 nafar fuqaro aylangani kelib, adashib qolgani to‘g‘risida xabar tushgan.

Aytilgan manzilga zudlik bilan bir guruh FVV qutqaruvchilari yetib borib, qidiruv-qutqaruv ishlarini olib borgan. Amalga oshirilgan sa’y-harakatlar natijasida fuqarolar sog‘-salomat topilib, soat 02:53 da xavfsiz hududga olib tushilgan. Tan jarohati olganlar yo‘q.

NOVA24 Instagramʼda. Obuna boʻling
Asosiy yangiliklar va qiziqarli videolar